Patty Castro é de Vila de Cruces e vive en Vilagarcía de Arousa. Unha das súas paixóns é cantar ao estilo heavy, rock ou metal. Trás pasar por numerosos grupos (D´trankis, Salida de Emergencia, Meigha, Nao, Os Jhon Deeres…), actualmente participa nun dúo en acústico: Raíñas.
Activista feminista e ecoloxista, fomenta a visibilidade das mulleres máis próximas, artistas e músicas. Faino a través de MGK (Mulleres Galegas Kañeiras). Como radiofonista, no seu espazo de radioweb ten entrevistas a mulleres músicas galegas e colabora con GZ Música e Nós Tv con entrevistas a grupos galegos con participación feminina.
Unha persoa con este perfil, necesariamente tiña que pasar polo Deixe falar do Grandes Vozes. Este foi o momento.
Programa dedicado á música na nosa lingua
